Steypuviðgerðir – viðgerðarmúr frá Velosit

Viðgerðarmúr, þansteypa og þéttimúr frá Velosit fyrir steypu sem hefur brotnað, flagnað eða lekur

Hvað eru steypuviðgerðir?

Þegar steypa skemmist, t.d. vegna frosts, ryðgaðrar járnabindingar eða höggs, þarf að brjóta lausa steypu burt og byggja flötinn upp aftur með efni sem binst gömlu steypunni og þolir sama álag. Viðgerðarmúr frá Velosit er sementsbundinn, trefjastyrktur og rýrnar lítið, og uppfyllir kröfur staðalsins EN 1504-3 um steypuviðgerðir.

Fagefni selur viðgerðarefni frá þýska framleiðandanum Velosit. Við hjálpum þér að velja efni eftir því hvar skemmdin er, hve djúp hún er og hvaða álagi viðgerðin verður fyrir.

Hvenær þarf viðgerðarmúr?

Flögnun og frostskemmdir á svölum, tröppum og útveggjum
Steypa sem hefur sprungið frá ryðgaðri járnabindingu
Holur, steypuhreiður og ójöfnur eftir mót
Skemmdir í brunnum og fráveitumannvirkjum
Bil undir vélum, súlum og stálbitum sem þarf að fylla

Hvaða efni á við hvað?

Viðgerðir á veggjum og í lofti

Velosit RM 202 er fínn viðgerðarmúr fyrir yfirborðsskemmdir á steypu, múr og náttúrusteini. Hann er þjáll og hentar sérstaklega vel í loft. Má leggja frá 0 upp í 100 mm á veggi og allt að 50 mm í loft. Flokkur R3. Fyrir þunnar viðgerðir, 0–25 mm, er líka kristallandi RM 211. RM 202 → RM 211 →

Hraðviðgerðir

Velosit RM 203 harðnar hratt: vinnslutíminn er um 10 mínútur og ganga má á viðgerðina eftir 1–1½ klst. Fyrir holur, steypuhreiður og viðgerðir sem þurfa að komast fljótt í notkun. Flokkur R3. RM 203 →

Djúpar skemmdir og burðarhlutar

Velosit RM 205 er grófur viðgerðarmúr fyrir 6–100 mm lag, t.d. á svölum, bitum og brúm. Hann er vatnsfælinn og með ryðvörn fyrir járnabindinguna. Flokkur R4. RM 205 →

Fráveita og súlfatálag

Velosit SR 207 er súlfatþolinn viðgerðarmúr fyrir brunna, skólphreinsistöðvar og önnur mannvirki í ætandi umhverfi. 6–100 mm lag. Flokkur R4. SR 207 →

Undirsteypa og festingar

Velosit NG 512 og NG 517 eru þansteypur sem rýrna ekki, fylla bil undir vélum, súlum og stálbitum og festa kamba og ankeri. NG 512 fyrir 12–120 mm bil og yfir 90 MPa styrk, NG 517 fyrir 6–150 mm bil. NG 512 → NG 517 →

Rakaþétting

Velosit WP 101 er þéttimúr fyrir kjallara, lyftugryfjur og vatnstanka og þolir 13 bar vatnsþrýsting að framan og 5 bar að aftan. WP 120 er tvíþátta og teygjanlegur og brúar sprungur, og CW 111 er kristallandi og þéttir steypuna sjálfa. WP 101 → WP 120 → CW 111 →

Gólfviðgerðir, ílögn og mótunarmúr

Velosit SC 242 er hraðharðnandi ílögn, oft kölluð mótunarmúr eða þurrmúr, fyrir 10–100 mm lag á steyptum gólfum inni og úti. Ganga má á hana eftir 4 klst. Flokkur C50-F7. SC 242 →

Fleiri efni frá Velosit

Við seljum líka SC 244 trefjastyrkt flot, flísalím, grunna og yfirborðsefni frá Velosit, og útvegum önnur efni eftir þörfum. Allt frá Velosit →

Samanburður á efnunum

Efni	Lagþykkt	Styrkur 28 d.	Flokkur	Umbúðir
RM 202	0–100 mm, loft ≤ 50 mm	56 MPa	R3	25 kg
RM 203	0–100 mm, loft ≤ 50 mm	54 MPa	R3	25 kg
RM 211	0–25 mm	40 MPa	R3	25 kg
RM 205	6–100 mm	50 MPa	R4	25 kg
SR 207	6–100 mm	45 MPa	R4	25 kg
NG 512	12–120 mm	90 MPa	R4	25 kg
NG 517	6–150 mm	70 MPa	R4	20 kg
SC 242	10–100 mm	51 MPa	C50-F7	20 kg
WP 101	um 2 mm	50 MPa	R3	25 kg
CW 111	kústað, 2 umf.	21 MPa eftir 1 dag	–	25 kg

Styrkur er þrýstistyrkur eftir 28 daga samkvæmt tækniblöðum Velosit. Flokkar R3 og R4 eru samkvæmt EN 1504-3, C50-F7 samkvæmt EN 13813.

Grunnur

Við mælum alltaf með að grunna. Undir viðgerðarmúr og þansteypu mælir Velosit með CP 201 viðloðunargrunni samkvæmt EN 1504-9, og hann fæst hjá okkur.

RM 202 og RM 203 má líka grunna með sjálfu efninu, en RM 205, SR 207 og SC 242 þurfa CP 201 grunn á steypu
Undir flot og flísalím er notaður akrýlgrunnur, t.d. Velosit PA 911 eða Alfix Planemix Primer
Undirlagið þarf að vera 5–35 °C (SC 242: 10–35 °C)

Hvernig er gert við steypu?

Almenna ferlið í stuttu máli. Fylgið alltaf tækniblaði efnisins.

Undirbúningur

Laus og skemmd steypa er brotin burt niður á heila steypu
Ryð er hreinsað af járnabindingu sem kemur í ljós
Flöturinn er hreinsaður og vættur svo hann sé rakur en án vatns á yfirborði
Grunnur er borinn á

Lögn

Viðgerðarmúr er hrærður með 11–18 % af hreinu vatni, eftir efni
Lagt er í allt að 100 mm lagi í einni umferð á veggi
Í heitu og þurru veðri er viðgerðinni haldið rakri í 3–4 klst.; annars þarf ekki að vökva

Ertu ekki viss um efnið?

Sendu okkur myndir af skemmdinni og segðu okkur hve stór og djúp hún er og hvort hún er á vegg, gólfi eða í lofti. Við hjálpum þér að velja efni.

Senda fyrirspurn

Skjöl og gögn

Velosit RM 202

Fínn viðgerðarmúr, R3.

Tækniblað

Velosit RM 203

Hraðharðnandi viðgerðarmúr, R3.

Tækniblað

Velosit RM 205

Grófur viðgerðarmúr, R4.

Tækniblað

Velosit SR 207

Súlfatþolinn viðgerðarmúr, R4.

Tækniblað

Velosit NG 512

Þansteypa, 12–120 mm.

Tækniblað

Velosit NG 517

Þansteypa, 6–150 mm.

Tækniblað

Velosit SC 242

Hraðharðnandi ílögn.

Tækniblað

Velosit WP 101

Þéttimúr.

Tækniblað

Velosit WP 120

Teygjanlegur þéttimúr.

Tækniblað

Fleiri efni frá Velosit

Allt vöruúrval framleiðandans.

Vefur Velosit

Algengar spurningar um steypuviðgerðir

Hver er munurinn á R3 og R4?

Staðallinn EN 1504-3 flokkar viðgerðarmúr eftir styrk og eiginleikum. R4 er hæsti flokkurinn, með minnst 45 MPa þrýstistyrk, og er notaður þar sem viðgerðin ber álag, t.d. í bitum, súlum og svölum. R3 dugar fyrir yfirborðsviðgerðir sem bera minna álag.

Hve þykkt má leggja í einu?

RM 202 og RM 203 frá 0 upp í 100 mm á veggi og mest 50 mm í loft. RM 205 og SR 207 frá 6 upp í 100 mm. Í dýpri holur og bil undir vélum er notuð þansteypa, NG 512 upp í 120 mm og NG 517 upp í 150 mm.

Hvað er þansteypa?

Þansteypa (e. non-shrink grout) er fljótandi steypa sem rýrnar ekki við hörðnun heldur þenst örlítið á meðan hún er blaut. Þannig fyllir hún bilið alveg og ber álag. Hún er notuð undir vélar, stálsúlur og bita og til að festa kamba og ankeri.

Hvenær má ganga á viðgerðina?

Við 23 °C má ganga á RM 203 eftir 1–1½ klst., á SC 242 eftir 4 klst. og á NG 512 eftir 6 klst. Kuldi lengir tímann.

Má gera við steypu í frosti?

Nei. Undirlagið þarf að vera 5–35 °C og fyrir SC 242 10–35 °C. Viðgerðina þarf líka að verja gegn frosti á meðan hún harðnar.

Hvernig er kjallari rakaþéttur?

Með þéttimúr eins og WP 101 eða WP 120 sem er borinn á vegginn í um 2 mm lagi. WP 120 er teygjanlegur og brúar sprungur. Ef vatn lekur inn um sprungur þarf fyrst að þétta þær með inndælingu, sjá lekaþéttingu.

Hvað kostar efnið?

Verð er á vörusíðunum. Fyrir stærri verk gerum við tilboð.

Fáðu ráðgjöf um steypuviðgerðir

Sendu okkur myndir af skemmdinni. Ágúst Örn Ólafsson sölustjóri (agust@fagefni.is) og Arnar Bjarklind söluráðgjafi (arnar@fagefni.is) svara fyrirspurnum.

Senda fyrirspurn