Trefjaílögn, hraðþornandi – Velosit SC 244

• Hraðþornandi ílögn – gönguhæft eftir aðeins 4 klst
• Hægt að leggja flísar eftir 4 klst og önnur gólfefni eftir 24–48 klst
• Trefjastyrkt – minni sprungumyndun og meiri ending
• Mikill styrkur – yfir 50 MPa lokastyrkur
• Breitt þykktarsvið – 10 til 120 mm í einni lögun
• Frábær floteiginleiki – auðvelt í vinnslu og jafnt yfirborð
• Hentar á gólfhita – stöðugt efni með litla rýrnun
• Slípanlegt – hægt að fá terrazzo eða micro concrete áferð
• Hagkvæm lausn fyrir sérverkefni eins og borðplötur
• Mjög gott vatnsþol – tapar ekki styrk undir vatni

• Þyngd: 25 kg poki
• Þykkt: 10–120 mm
• Gengið á eftir: ca. 4 klst
• Flísar: ca. 4 klst
• Önnur gólfefni: 24–48 klst
• Vinnslutími: 30–40 mínútur
• Vatnsmagn: 2,5–2,8 L á poka
• Þrýstiþol: >50 MPa (28 dagar)
• Efnisnotkun: ca. 19 kg/m² við 10 mm þykkt
• Notkun: inni og úti
• Rýrnun: mjög lítil
• Uppfyllir staðal: EN 13813 (CT-C50-F7)

Velosit SC 244 er hannað til notkunar bæði innan- og utanhúss og hentar á fjölbreytt undirlag. Það er sérstaklega hentugt fyrir steypt gólf þar sem þarf að jafna yfirborð áður en lokaefni er lagt. Efnið virkar vel með gólfhita, bæði vatns- og rafmagnskerfum, og hentar einnig fyrir einangruð gólf eða þar sem notaðar eru himnur. Flotefnið er notað við flotun í íbúðarhúsnæði, atvinnuhúsnæði og iðnaðarrýmum þar sem krafist er hraðrar vinnslu og mikils styrks.

Undirlag þarf að vera hreint, burðarþolið og laust við ryk, fitu og önnur efni sem geta haft áhrif á viðloðun. Best er að undirbúa steypt yfirborð með sandblæstri, háþrýstiþvotti eða sambærilegri aðferð til að opna yfirborðið. Viðloðunarkraftur ætti að vera að lágmarki 1,0 MPa. Ef vatnsleki eða sprungur eru til staðar þarf að laga þær áður en flotefnið er lagt.

Grunna skal undirlag með viðeigandi grunni, t.d. sementbundnum grunni(setja link inn) eða akrýl grunn(setja link) sem tryggir góða viðloðun. Flotefnið er lagt “blautt í blautt” strax eftir grunnun. Á stáli þarf að nota viðeigandi tæringarvörn og tengigrunn áður en efnið er lagt.

Velosit SC 244 er blandað með hreinu vatni áður en það er lagt. Notið um 2,5–2,8 lítra af vatni á hvern 25 kg poka og blandið þar til kekkjalaus og jafnvæg blanda myndast. Efnið hefur um 40 mínútna vinnslutíma við eðlilegar aðstæður. Mikilvægt er að fara ekki yfir ráðlagt vatnsmagn þar sem það getur haft áhrif á styrk og eiginleika efnisins.

Efnið er hellt á undirlagið og jafnað út með sladdara eða sambærilegu verkfæri að æskilegri þykkt. Mikilvægt er að vinna í svæðum sem hægt er að klára innan vinnslutíma efnisins. Hægt er að leggja efnið með viðeigandi dælu  eða handvirkt eftir umfangi verks. Loftbólur eru fjarlægðar með því að vinna yfir yfirborðið með viðeigandi verkfærum(setja link). Forðast skal að leggja yfir ómeðhöndlaðar sprungur eða hreyfifúgur þar sem það getur leitt til sprungumyndunar í yfirborði.

Velosit SC 244 hentar vel fyrir flotun áður en gólfefni eru lögð.

Algengar spurningar

– Hversu fljótt má ganga á efnið?
Efnið er gönguhæft eftir um 4 klukkustundir við eðlilegar aðstæður.

– Hvenær má leggja gólfefni ofan á?
Flísar má leggja eftir 4 klst, en raka viðkvæm efni eftir um 48 klst.

– Er hægt að nota efnið á gólfhita?
Já, Velosit SC 244 hentar vel yfir gólfhita og heldur stöðugleika.

– Er hægt að slípa efnið og nota sem lokaáferð?
Já, efnið hentar vel sem micro concrete og terrazzo yfirborð með slípun.