Triflex svalaþétting

Af hverju fara svalir svona illa?

Svalir eru eitt algengasta vandamálið í viðhaldi steyptra húsa hér á landi. Frost og þíða skiptast á oft yfir veturinn, vatn kemst inn í steypuna, frýs og sprengir hana. Margt hefur verið reynt, en málning og mörg yfirborðsefni vilja flagna eða losna frá steypunni eftir nokkur ár.

Triflex-kerfin eru úr PMMA (pólýmetýlmetakrýlati), tveggja þátta kvoðu sem er borin á fljótandi. Hún myndar samfellt lag án samskeyta sem er vatnsþétt kringum hurðir, glugga og veggi, handriðsstoðir og niðurföll. Hvert lag harðnar á 30–60 mínútum, svo oft er hægt að leggja allt kerfið sama daginn.

Varanlegt kerfi kostar meira í upphafi en málning, en sparar endurtekið viðhald. Fagefni selur efnin og ráðleggur um val á kerfi, og starfsfólk okkar er með vottun frá Triflex í notkun ProDetail.

Kostir PMMA á svalir

Hraði. Hvert lag harðnar á 30–60 mínútum og þú stjórnar hraðanum með skammtinum af Catalyst herði
Teygja. Þolir hreyfingu í undirlaginu og hitasveiflur
Viðloðun. Grunnurinn binst steypunni og lokar fyrir raka
Kuldi. Flest efnin má leggja niður í 0 °C og ProDetail niður í −5 °C
Enginn eldur. Efnin eru lögð köld og engin brunahætta fylgir lögninni
Bruni. Eldtefjandi S1-útgáfur fyrir flóttaleiðir

Hvað er undir svölunum?

Þetta er fyrsta spurningin sem við spyrjum, því svarið ræður valinu á kerfi.

Ekkert eða kalt rými undir

Triflex BFS

Fyrir útistandandi svalir og svalir yfir geymslum eða bílskýlum. Lagt er beint á steypuna og svalirnar eru tilbúnar tveimur tímum eftir síðustu umferð.

Lög: Primer 276 – ProFloor – Finish 205 – Micro Chips

Íbúð eða upphitað rými undir

Triflex BTS-P

Hér þarf fulla vatnsþéttingu. Undir slitlagið kemur ProTerra með flísdúk yfir allan flötinn, og þéttingin brúar sprungur sem hreyfast.

Lög: Primer 276 – ProTerra – Special Fleece – ProTerra – ProFloor – Finish 205 – Micro Chips

Einangrun ofan á plötuna

Triflex BIS

Þegar einangra þarf þaksvalir eða svalir yfir íbúð ofan frá, t.d. til að losna við kuldabrú. Einangrunin fer ofan á þakdúk, sementsplata dreifir álaginu og BTS-P er lagt yfir. Eldflokkur Bfl-s1.

Lög: Primer 276 – þakdúkur – einangrun – sementsplata – BTS-P

Sérstök tilfelli. Eigi að leggja flísar eða hellur ofan á er notað Triflex BWS, vatnsþétting sem þolir flísalím beint ofan á. Ef platan er orðin vatnsmettuð er Triflex ProDrain lagt fyrst: aftengimotta sem hleypir rakanum út sem gufu, með BTS-P ofan á. Þá þarf ekki að brjóta upp heilt undirlag. Á útitröppur er Triflex TSS, sem ver tröppunefin og nær hálkuvörn í flokki R 12.

PMMA í íslensku veðri

Triflex-efnin má leggja þótt kalt sé, en hitinn ræður því hvernig efnin eru blönduð og hvenær má byrja. Fyrir haust- og vetrarverk er þetta það sem mestu skiptir.

Fimm atriði sem skipta máli

Úr leiðbeiningum Triflex og reynslu okkar af því að vinna með efnin hér á landi.

Undirlagið þarf að vera minnst 3 °C yfir daggarmarki. Annars myndast rakafilma á steypunni sem kemur í veg fyrir viðloðun. Mældu hita undirlagsins og rakastig áður en byrjað er.
Herðimagnið fer eftir hita. Við 5–15 °C, sem er algengast hér, fara 0,40 kg af herði í 10 kg fötu af grunni, þ.e. fjórir 100 g pokar.
Grunnaðu þegar hiti undirlagsins fer lækkandi, t.d. seinni part dags. Þá dregur steypan ekki loft upp í grunninn.
Raki í steypunni má í mesta lagi vera 6 % af þyngd.
Í lokuðum rýmum þarf góða loftræstingu. Efnin eru án leysiefna en lyktin er sterk meðan þau eru borin á.

Efnin í kerfunum

Grunnar

Cryl Primer 276 á steypu, ílögn og múr. Cryl Primer 222 á malbik og bik. Cryl UniPrimer 285 er alhliða grunnur á steypu, malbik og timbur.

Þétting

ProDetail í kverkar og kringum smáatriði, ProTerra yfir flötinn, Special Fleece-flísdúkur, tilsniðin flísdúkshorn og Cryl Spachtel til að líma kantprófíla.

Slitlag og áferð

ProFloor-slitlag, Cryl Finish 205 í lit, Micro Chips-flögur, kvartssandur sem hálkuvörn og glært Cryl Finish Satin.

Herðir og hreinsiefni

Triflex Catalyst fer í öll PMMA-efnin. Triflex Cleaner er notað á áhöld og milli laga.

Öll efnin eru í vöruflokknum Svalaþétting (PMMA) og tækniblöðin á vörusíðunum. Litakort: Chips Design (52 litir) og Colour Design.

Myndband frá Triflex sem sýnir Creative Design-áferð með flísamynstri og Chips Design.

Algengar spurningar um svalaþéttingu

Hvernig veit ég hvort svalirnar þurfa þéttingu?

Algeng merki eru leki eða rakablettir í loftinu undir svölunum, steypa sem flagnar eða springur við kantinn, ryðtaumar eða járn sem sést, og málning eða dúkur sem er farinn að losna.

Hver er munurinn á BTS-P og BFS?

BTS-P er full vatnsþétting með flísdúk yfir allan flötinn og er notuð þar sem íbúð eða upphitað rými er undir. Hún brúar sprungur sem hreyfast. BFS er slitsterk húðun án dúks yfir flötinn, fyrir svalir þar sem kalt rými eða ekkert er undir.

Hversu fljótt má ganga á svalirnar?

BFS og TSS eru tilbúin tveimur tímum eftir síðustu umferð. BTS-P er yfirleitt hægt að nota sama dag og verkinu lýkur. Tímarnir miðast við 20 °C og lengjast í kulda.

Þarf að brjóta upp gömlu svalirnar?

Oft ekki. Lausa og skemmda steypu þarf alltaf að fjarlægja og gera við, en heila steypu og flísar má grunna eftir slípun. Sé platan vatnsmettuð er ProDrain lagt á hana í stað þess að brjóta hana upp.

Hvaða litir eru í boði?

Í Chips Design-litakorti Triflex eru 52 litir og við útvegum þá alla. Quartz 01, Slate 03 og Malachite 04 eru yfirleitt til á lager. Litinn ræður lokaumferðin, Cryl Finish 205, og flögunum er stráð í hana.

Leggur Fagefni kerfið?

Nei, við seljum efnin og ráðleggjum um val á kerfi og frágang. Starfsfólk okkar er með vottun frá Triflex í notkun ProDetail.