Íþróttagólf fyrir æfingasali – Grabo Gymfit 60

Grabo Gymfit 60 – íþróttagólf til æfinga

Gymfit 60 er marglaga vínylgólf frá ungverska framleiðandanum Grabo fyrir æfingar, leikfimi og almenna hreyfingu. Það hentar líkamsræktarsölum, æfingasölum skóla, dans- og þolfimisölum og æfingarými á heimilum. Gólfið er 6 mm þykkt með 0,85 mm slitlagi og tvöföldu froðubaki sem gerir það mýkra undir fæti en venjulegan dúk.

Yfirborðið er meðhöndlað með X-PUR og GraboSan. Það er auðvelt að þrífa og þarf ekki bón. Gólfið þolir 1.500 N rúlluálag án skemmda, boltar skoppa yfir 90 % á því og það er án leysiefna og 100 % endurvinnanlegt. Grabo veitir 7 ára ábyrgð.

Höggdeyfingin er 18 %, sem hentar til æfinga og almennrar hreyfingar. Í íþróttasali þar sem keppt er eða mikið hoppað mælum við frekar með Grabo Elite eða þykkari gólfunum.

Gólfið kemur á 2 m breiðum rúllum, er límt niður og samskeytin soðin, svo það verður samfellt og auðvelt að þrífa það.