Flot, alhliða og fyrir iðnað – Alfix ElastaCem 501

Efnið jafnar og réttir af viðar-, steypu- og önnur ógleypin gólf áður en lokaefni er lagt — hvort sem það er parket, vínyl, línóleum eða flísar. Hentar vel í endurbótaverkefni þar sem gólfhiti er settur í eldra gólf.

Einnig gott sem iðnaðarflot þar sem styrkurinn er mjög hár.

Fagefni mælir með Alfix ElastaCem 501 sem alhliða valkost fyrir verkefni sem áður kölluðu á trefjaflot. Með háu beygjutogþoli (11-12 N/mm²) og þrýstiþoli (42-47 N/mm²) hentar það almennt vel við sambærilegar aðstæður, auk þess að ráða við viðargólf og hitastrengi. Við mælum með að fagmenn meti hæfi efnisins fyrir hvert verkefni út frá aðstæðum á staðnum, eða hafi samband við okkur til að fá ráðgjöf.

Grátt, sementbundið og fjölliðustyrkt duft sem má leggja út handvirkt eða með dælu.

Viðar-, steypu- og ógleypin undirlög — til dæmis núverandi flísar, terrazzo og málað eða lakkað yfirborð.

Undirlag þarf að vera burðarhæft og hreinsað af ryki, fitu og sementslammi, og allir fletir þéttir (annars rennur flotefnið niður í sprungur og op). Notið sjálflímandi froðuræmur við hurðir og niðurföll til afmörkunar.

Sogið undirlag er grunnað með Alfix PlaneMixPrimer. Ógleypin undirlög (t.d. flísar, terrazzo) eru grunnuð með Alfix UniversalPrimer sandgrunni, eða slömmuð/burstuð með blöndu af PlaneMixPrimer og spartldufti í hlutfallinu 1:2. Herbergishiti má ekki vera lægri en +10°C, og gólfjöfnun skal fara fram innan 24 klst frá grunnun.

Blöndun

20 kg poki er blandaður með 4,0-4,5 lítrum af hreinu, köldu vatni (17-21% fyrir dælingu) þar til flotefnið er kekklaust og léttfljótandi.

Lögn

Flotefnið er hellt eða dælt á undirlagið og dreift með tannspaða svo úr verði slétt og jafnt yfirborð.

• Steypuundirlag: 2 mm
• Viðarundirlag (mælt á hæsta punkti): 3 mm
• Sem yfirlag í þurrum rýmum: 5 mm
• Undir epoxýmálningu sem yfirborðsmeðhöndlun: 5 mm

• Gönguhæft: eftir 2-3 klst við +20°C
• Fullhert: eftir 7 daga við +20°C
• Klárt fyrir gólfklæðningu upp að 10 mm lagþykkt: u.þ.b. 1 sólarhringur
• Klárt fyrir gólfklæðningu upp að 30 mm lagþykkt: u.þ.b. 3 sólarhringar

Ekki bæta aukavatni við flotefni sem er byrjað að taka sig. Gólfhitun, ef til staðar, skal vera slökkt á meðan lagning fer fram.

Má nota ElastaCem 501 á viðargólf?

Já, efnið er sérstaklega ætlað fyrir bæði viðar- og steypugólf, auk annarra ógleypinna undirlaga eins og flísa og terrazzo.

Er hægt að fella hitastrengi í ElastaCem 501?

Já, efnið hentar vel til að fella inn hitastrengi og er því vinsælt í endurbótaverkefni þar sem gólfhiti er settur í eldra gólf.

Hversu lengi þarf gólfið að þorna áður en gólfefni er lagt yfir?

U.þ.b. 1 sólarhringur fyrir lagþykkt upp að 10 mm, og u.þ.b. 3 sólarhringar fyrir lagþykkt upp að 30 mm.