Allt sem kemur inn fer fyrst um anddyrið

Á íslenskum vetri berst sandur, salt og snjóbleyta inn með hverju skrefi. Sandurinn rispar gólfefnið eins og sandpappír, saltið skilur eftir sig hvíta rönd og bleytan gerir gólfið hált rétt innan við dyrnar. Því meira sem stoppar í anddyrinu, því minna þarf að þrífa og því lengur endist gólfið.

Geggus hefur framleitt inngangsmottur í Þýskalandi frá 1947. Motturnar eru úr álprófílum með innleggi, sitja í gryfju svo þær liggja slétt við gólfið og eru framleiddar eftir máli fyrir hvern inngang.

Það sem fylgir hjá Fagefni

  • Ráðgjöf um val á kerfi og tilboð án skuldbindingar
  • Minni mottur er hægt að leggja án fagmanns. Í stærri verk getum við bent á verktaka
  • Efni í mottugryfjuna og gólfið í kring frá sama stað
  • 5 ára ábyrgð frá Geggus

Þrjú hreinsisvæði

Ein motta nær ekki öllu. Geggus skiptir innganginum í þrjú svæði og hvert innlegg vinnur sitt verk, frá grófum sandi úti að fínu ryki og raka inni.

Skýringarmynd Fagefnis: sama leiðin inn án mottukerfis og með þremur hreinsisvæðum.

1 · Gróf óhreinindi

Úti eða í forstofu. Rákótt gúmmí og sköfulistar ná sandi, möl og snjó af sólanum áður en gengið er inn. Hér skiptir veðurþol mestu.

2 · Millisvæði

Við dyrnar eða rétt innan við þær. Burstalistar losa það sem situr eftir í mynstri sólans.

3 · Fín óhreinindi og raki

Inni. Ripsteppi dregur í sig bleytu og fínt ryk svo síðustu skrefin inn á gólfið verði þurr.

Hve stórt hvert svæði á að vera fer eftir umferð og aðstæðum við innganginn. Við ráðleggjum um það út frá myndum og málum af innganginum.

Þversnið: mottan í gryfju, sandurinn fellur niður á milli prófílanna.

Mottan situr í gryfju og sandurinn fellur niður

Top Clean-motturnar frá Geggus eru opnar. Á milli álprófílanna er bil svo sandur og bleyta falla niður í gryfjuna í stað þess að berast lengra inn. Undir prófílunum er gúmmí sem dempar högghljóð og heldur mottunni stöðugri. Þegar gryfjan er þrifin er mottunni rúllað upp.

Gryfjan skiptir jafn miklu máli og mottan

Gryfjan þarf að vera slétt og í réttri dýpt svo mottan liggi jafnt við gólfið og vaggi ekki. Við útvegum efnið í það, hvort sem steypa þarf nýja gryfju, jafna botninn með ílögn eða flotefni eða gera við brotnar brúnir með viðgerðarmúr. Þar sem ekki er hægt að gera gryfju fást motturnar líka til að leggja ofan á gólfið.

Hvaða motta hentar?

Kerfin eru misjafnlega há og sterk. Öll eru framleidd eftir máli og fást með þeim innleggjum sem hvert svæði þarf. Ripsteppið er til í mörgum litum.

KerfiHæð mottuHentar fyrir
Top Clean CLASSIC10–27 mmHagkvæm álmotta fyrir venjulega umferð. 10 mm gerðin hentar í grunna gryfju eða ofan á gólf.
Top Clean TREND12–27 mmInngangar inni og úti með venjulegri umferð, til dæmis skólar, skrifstofur og fjölbýlishús.
Top Clean STABIL12–22 mmFjölfarnir inngangar. Í 22 mm hæð þolir hún innkaupakerrur og brettatjakka.
Top Clean OBJEKT22 mmÖkutæki og lyftarar, inni og úti.
Gúmmímottur (KARO AS og DOMINO)18–22 mmÚti í svæði 1, þar sem bleyta og snjór mæða mest á.

Top Clean TREND XL GREEN MOTION ber umhverfismerkið Bláa engilinn. Geggus framleiðir líka lógómottur, mottur fyrir lyftara og sérlausnir, og við útvegum þær eftir þörfum. Tæknilegar upplýsingar eru frá Geggus.

Svona gengur þetta fyrir sig

  1. Þú sendir okkur mynd og mál af innganginum eða hringir í 420 4010.
  2. Við ráðleggjum um kerfi og innlegg út frá umferð og aðstæðum og gerum tilboð.
  3. Kaupandi eða verktaki hans staðfestir öll mál áður en pantað er, því mottan er framleidd eftir þeim.
  4. Mottan er framleidd eftir máli hjá Geggus í Þýskalandi. Afhending tekur 3–5 vikur.
  5. Minni mottur er hægt að leggja án fagmanns. Í stærri verk getum við bent á verktaka. Ef gera þarf gryfju eða laga hana útvegum við efnið.

Eitt anddyri, einn aðili

Hjá okkur færðu bæði mottuna og efnið í kringum hana: efni í gryfjuna, flot undir gólfefnið og gólfefnin sjálf, til dæmis Purline. Þá passa motta og gólf saman í hæð og þú þarft ekki að samræma marga birgja.

Skjöl og gögn

Heildarvörulisti Geggus

Allar mottur, rammar og gryfjulausnir á einum stað. Á ensku.

Sækja PDF (10 MB)

Geggus Premium

Vörulisti fyrir Premium-línuna frá Geggus. Á ensku.

Sækja PDF (7 MB)

Verkefnabók Geggus

Anddyri víða um heim þar sem Geggus-mottur eru lagðar. Á ensku.

Sækja PDF (7 MB)

Algengar spurningar

Hvað kostar inngangsmotta?

Það fer eftir stærð, kerfi og innleggjum. Flutningur frá Þýskalandi vegur líka þungt. Hann kostar hlutfallslega mikið á litla mottu, til dæmis 2 m², en dreifist á margfalt fleiri fermetra í 40 m² verki. Þess vegna gerum við tilboð út frá málum hverju sinni frekar en að birta eitt fermetraverð.

Þarf að gera gryfju fyrir mottuna?

Best er að mottan liggi í gryfju, slétt við gólfið, svo hvorki sé hægt að reka tærnar í hana né að hún færist til. Þar sem það er ekki hægt fást motturnar til að leggja ofan á gólfið.

Má nota motturnar úti?

Já. Top Clean TREND er gerð fyrir notkun bæði inni og úti. Í svæði 1 utandyra henta gúmmí og sköfulistar best.

Hvernig eru motturnar þrifnar?

Þær eru ryksugaðar reglulega. Sandurinn safnast í gryfjuna undir prófílunum og þegar hún er hreinsuð er mottunni rúllað upp.

Hversu stórt þarf mottusvæðið að vera?

Það fer eftir því hve margir ganga inn og hvernig aðstæður eru úti. Mottan þarf að ná yfir nógu mörg skref til að sólinn hreinsist, helst í þremur svæðum. Við ráðleggjum um þetta, en endanleg mál staðfestir kaupandi eða verktaki hans.

Hvað tekur langan tíma að fá mottu?

Afhending tekur 3–5 vikur frá pöntun, því hver motta er framleidd eftir máli hjá Geggus í Þýskalandi.

Þarf fagmann til að setja mottuna upp?

Minni mottur er hægt að leggja án fagmanns, til dæmis í tilbúna gryfju eða ofan á gólf. Í stærri verkum, eða þar sem gera þarf gryfju, getum við bent á verktaka sem mælir og setur mottuna upp.

Hver ber ábyrgð á málunum?

Kaupandi eða verktaki hans staðfestir öll mál og mælingar. Mottan er framleidd eftir þeim málum sem gefin eru upp við pöntun, svo þau þurfa að vera rétt.

Er ábyrgð á mottunum?

Já, Geggus veitir 5 ára ábyrgð á mottukerfunum.

Sendu okkur mynd af innganginum

Við ráðleggjum um val á kerfi og gerum tilboð án skuldbindingar. Hringdu í 420 4010 eða sendu póst á agust@fagefni.is.

Fá tilboð

Vörur í þessari vörulínu